KAIZER CHIEFS IKUFUNA LANJESI NKHOMA

Tsamba lolemba nkhani zamasewero mdziko la South Africa, Soccer Laduma, lati timu ya Kaizer Chiefs ikufuna katswiri wa timu ya Flames, Lanjesi Nkhoma, kuti akatumikire timuyi.

Tsambali lati mmodzi mwa anthu omwe ali pafupi ndi osewerayu wawauza kuti Chiefs yaonetsa chidwicho kamba koti katswiriyu wachita bwino ndi timu ya Flames komanso FCB Nyasa Big Bullets.

Mphunzitsi watimu ya Flames, Patrick Mabedi anakana kuikapo mlomo kwambiri koma wati ali ndi osewera ambiri abwino mu timu yake ndipo nzosadabwitsa kuti matimu afuna osewera ambiri.

Nkhoma wagoletsa chigoli chimodzi ku mpikisanowu pomwe anamwetsa ndi timu ya Seychelles lamulungu ndipo ali ndi zigoli 8 mu ligi ya TNM ndi timu ya FCB Nyasa Big Bullets.