"OSEWERA TAGWIRIZANA KUTI TITENGE COSAFA" - CHAWINGA

Mtsogoleri wa timu ya Scorchers ku mpikisano wa COSAFA Women's Championship, Temwa Chawinga, wati iye ndi timu yake agwirizana kuti chaka chino chokha atengeko chikhochi koyamba mu mbiri ya mpira.

Chawinga amayankhula izi patsogolo pa masewero awo ndi Mozambique mu ndime ya matimu anayi a chikhochi lachisanu ndipo wati timu yawo ndi yokonzeka kupanga chilichonse kuti akhale ukatswiri.

"Zokonzekera zikuyenda bwino atsikana tonse mu camp molalo ili pa mwamba pomwe tikupita mmasewerowa. Tinayamba kusewera mpikisanowu ndi kalekale ndipo tagwirizana kuti mwina chaka chino titengeko." Anatero Chawinga.

Iye anatinso masewero awo ndi Mozambique akhala ovuta potengera kuti matimu ambiri abwera mwa mphamvu ndipo samayembekezera timuyi kufika mu ndimeyi nde chizolowezi choti amayigonjetsa sichigwira.

Malawi ikumana ndi Mozambique mawa pomwe akufuna kufika ndime yotsiriza kachiwiri mu zaka zitatu. Matimu a Zambia ndi Zimbabwe akumananso mma

GABA, PAPA JR AND MZAVA VISIT SCORCHERS

Famous Malawian Footballers, Gabadinho Mhango, Gerald Phiri Jr and Limbikani Mzava, visited the Malawi Women's Football team as part of motivating the team to win the COSAFA Women's Championship.

The trio made this ahead of the team's match against Madagascar in their Group A final match this afternoon and told them to play with their hearts to win the tournament.

The team has qualified for the Semi finals of the tournament after securing victories over South Africa and Eswatini and are favourites to win this year's tournament.

Photo credit: Times

"OSEWERA ACHISODZERA APATSIDWA MPATA" - FAZILI

Mphunzitsi watimu ya Scorchers, Lovemore Fazili, wati osewera achisodzera omwe anapita ndi timuyi apeza mpata osewera pomwe timuyi ikumane ndi Madagascar mu masewero omaliza a gulu A.

Iye amayankhula izi patsogolo pa masewerowa ndipo wati timu yake sikudelera komanso ikufunitsitsa kuti imalize ndi zipambano zitatu mu gulu mwawo.

Iye wati mmasewerowa apereka mpata kwa osewera achisodzera kuti aziphunzirako kwa akuluakulu ndikuti timuyi ikhalebe ya mphamvu mpaka kale.

"Tikuyembekeza masewero abwino, Madagascar ndi timu yabwino ndipo itha kutidzidzimutsa komabe tikufuna kupambana masewerowa. Osewera achisodzera asewera mawa kuti achotseko mantha." Anatero Fazili.

Timu ya Scorchers inafika kale mu ndime ya matimu anayi pomwe inagonjetsa South Africa ndi Eswatini mu gululi.

"MATIMU AKUBWERA KUTSOGOLOKU AKONZE KUMBUYO KWAWO" - FAZILI

Mphunzitsi watimu ya Scorchers, Lovemore Fazili, wati timu yake ili ndi mwayi ochuluka oti atenge chikho cha COSAFA Women's Championship kamba ka mmene akugoletsera zigoli ndipo wati matimu ayembekezere kuzisamba.

Iye amayankhula izi atatha masewero omwe agonjetsa timu ya Eswatini 8-0 kuti afike mu ndime ya matimu anayi ya mpikisanowu ngakhale kuti masewero amodzi sanasewere. Iye wati atenga chinthuchi.

"Malingana ndi mmene tikusewerera ndi kugoletsera zigoli chikho tithadi kutenga chifukwa kumbuyo mwina titha kumavutika koma mwayi wake tikumachinya nde ena akubwerawa akonze kumbuyo kwawo." Anatero Fazili.

Timuyi ikutsogolera mu gulu A ya mpikisanowu pomwe ili ndi mapointsi 6 pa masewero awiri ndipo yakwanitsa kumwetsa zigoli 12.

#Tawonga2023